قصة البنت وأبوهــــااا

صفحة محبي الشيخ محمد العريفي

أمس الساعة ‏12:58 ص‏ ·

واحد ربنا رزقه ببنت وهو عنده 40 سنه
- البنت دى باختصار كانت هى كل حياته
- كبرت البنت، هى بتحب أبوها جدًا،
- البنت لبسها مستفز جدًا؛ بناطيل وحاجات قصيرة، محجبة أيوه بس ميتسماش حجاب
برفانات ونمص دى حتى بتشمر البنطلون وبتلبس خلخال
- الراجل بيحب بنته وبيغير عليها، بس عمره ما فكر إنه يقولها #بلاش_كده ..خايف تزعل أو تحس إنها أقل من حد
خصوصًا إنه بدأ يتقبل فكرة إن البنات كلها بتلبس كده و بسبب صحاب بنته اللى بيجوا عنده وبسبب البنات اللى بيشوفهم فى الشارع للأسف
- ماشى مع بنته فى يوم، شابين واقفين، عاكسوا بنته:
"ايه يا حاج انت بتأكلها ايه ؟ --- نار يا حاج -- كرباج -- ربنا يخلى #يا_إريال"
- الراجل مقدرش يتكلم ، راح فضفض لمراته وقالها عن اللى حصل، قالتله: "سيبك دول شباب مش محترم، وبنتك لسه صغيره سيبها تعيش حياتها ولما تتجوز هتبقى تلبس كويس، اوعى تكبتها" (يا لحقارة هذه الجمله)
- الراجل الطيب بيقلب فى التليفزيون، جاب بالغلط قناة دينيه ..
بالصدفة البحته الشيخ بيتكلم عن مواصفات الزى الشرعى للمرأة.
"لا يصف ولا يشف، الزينة ممنوعة .. المرأة لا يظهر لها إلا الوجه والكفين .. البرفان بره البيت لأ.. والخ"
مفيش ولا صفة فى لبس بنته
- الشيخ على صوته قال حديث النبيَّ ﷺ: "شر نسائكم المتبرجات المتخيلات وهن المنافقات، لا يدخل الجنة منهن إلا مثل الغراب الأعصم"
الشيخ زودها وذكر حديث النبي َّﷺ: "صنفان من أهل النار لم أرهما قوم معهم سياط كأذناب البقر يضربون بها الناس ونساء كاسيات عاريات مميلات مائلات رؤوسهن كأسنمة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا"
- الراجل الطيب تنح وسكت مكنش يعرف كل ده وكان فاكر إن لبس بنته الطبيعى، والعادى وإن مفيش حاجه باينه منها،
- وفجأة الشيخ جاب الناهية . ووجه كلامه لكل أب، "اتقوا الله فى بناتكم هتتحاسبوا عليهم"
وقال حديث النبيَّ ﷺ "لا يدخل الجنه ديوث،
فقالوا: وما الديوث يا رسولَ اللهِ ؟
قال ﷺ: الديوث من لا يغار على محارمه"
- قال ينام شوية، صحى مفزوع على حلم إنه مات، ومتكفن وقبل ما يدخلوه القبر واحد ظهر وبيقلعه الكفن ويقوله #خسارة_فيك تقابل ربنا مستور ولحمك وعرضك كان مكشوف فى الدنيا
- مقدرش يصبر للصبح، دخل على بنته الساعه 2، وصحاها وقالها كان لسه بيعيط
"أنا بحبك جدًا والله ومش عاوز أكبتك ولا احدد حريتك، بس الشيخ بيقول كذا بيقول إنك مش هتدخلى الجنة وبيقول إنى كده ديوث ومش هشم ريحة الجنة .."
".. يرضيكى يا قلب أبوكى أترمى فى النار بسبب إنى بحبك ؟"
- الراجل فضل يعيط، بنته حضنته وعيطت معاه، كل اللى الراجل كان بيقوله:
"يرضيكى يا قلب أبوكى ؟! .. يرضيكى ؟!
- البنت صحيت تانى يوم .
كل الى كان فى بالها إن الراجل ده ميستاهلش منها كده
- وأسبوع بالظبط، وكان كل شىء إتغير ️؛ لبس واسع وتحديد فى الزينة وقلبت على بنت تانيه خالص .
- البنت اقتنعت ان أبوها و #الجنّة أهم مليون مليون مره من بنطلون ضيق أو لبس قصير بيبين ملامح جسمها للى يسوى وللى ميسواش
إقتنعت إنها غالية عند ربنا .. مبقاش يفرق معاها نظرات اعجاب شباب بجسمها ولا معاكسه زبالة كانت بتخليها تضحك
#البنت_اتغيرت .. ️
كل يوم وهى رايحه الكلية، تقول لأبوها: "كده تمام يا قلب بنتك ؟"
فيرد: "تمام أوى يا قلب أبوكى ؟، ربنا يسترك دنيا وأخره زى ماسترتينى"
- هل أبوكى ميستحقش إنك تستريه ؟!!