عمرك تخيلت اليوم اللى هتموت فيه

صفحة محبي الشيخ محمد العريفي
‏17‏ ساعة ·
عمرك تخيلت اليوم اللى هتموت فيه
تخيلت اخر نفس هتتنفسه و اخر دقة قلبك هيدقها و اخر نظرة عيونك هتشوفها و اخر كلمه هتقدر تنطقها و اخر ركعه هتركعها
تخيلت الملايكه و هى جايه تقبض روحك و ياترى هتبقى ملايكة رحمه و الا ملايكة عذاب
تخيلت ان فيه واحد هيغسلك و هيكفنك و فيه ناس هتشيلك و ناس هتصلى عليك و ان فيه واحد هيدخلك القبر و يقفل عليك
تخيلت ظلمة القبر و وحدته و وحشته و نزول الملكين لبداية حسابك
تخيلت صوت خفق نعال اهلك و اصدقاءك خارج القبر و هما هيفارقوك و يسيبوك لواحدك
تخيلت شكل الملكين و هما بيسألوك من ربك و من نبيك و ما دينك و يا ترى هتقدر ترد عليهم
تخيلت انك هتبقى لواحدك فى القبر مفيش ونيس و لا جليس الا عملك سواء صالح او طالح و ان القبر ده هيكون بداية العذاب او النعيم
تخيلت اليوم اللى هينفخ فيه فى الصور و هتلاقى نفسك قايم من القبر بتجرى على ارض المحشر و تلاقى الشمس بتقرب من رؤس الناس و الكل بيجرى على الانبياء و الرسل ليشفعوا لهم و كل نبى يقول نفسى نفسى متخيل ان امك و ابوك مش هينفعوك امك اللى كانت بتأكلك و بتشرك و بتعطف عليك فى صغرك و كبرك هتجرى منك و ابوك اللى كان سند ليك فى الدنيا هيجرى منك
تخيلت و انت ماشى على الصراط اللى هو احد من السيف و ادق من الشعر و منصوب على جهنم و عليه كلاليب يعنى خطاطيف بتخطف اهل النار الى الهاويه و يا ترى انت هتقدر تعدى عليه و تعبره و انت سامع جهنم بتزأر من تحتك و النبى صلى الله عليهم و سلم بيقول اللهم سلم سلم
تخيلت انك من اهل النار اللى اوقد عليها الف سنه حتى احمرت و الف سنه حتى ابيضت و الف سنه حتى اسودت فهى الان سوداء مظلمه و انت بتشرب من ضريعها اللى هو صديد اهل التار و بتاكل من زقومها و هى شجره ثمارها خبيثه عقابا لاهل النار
تخيلت و انت بتنادى على مالك خازن النار و بتقوله ادع لنا ربك يخفف عنا يوما من العذاب و بعدين هترجع لعذاب تانى
تخيلت انك تكون من السعداء اصحاب الجنه اللى فيها ما لا عين رأت و لا اذن سمعت و لا خطر على قلب بشر و انك هتستمتع بالنظر لوجه الله الكريم و هتشوف النبى صلى الله عليه و سلم و الصحابه و تتزاور معاهم و تدعوهم لجنتك و يدعنك لجنانهم و تبقى قاعد فى الجنه مش بتعمل اى حاجه الا التعبد و التمتع و مفيش بقى لا تعب و لا مرض و لا اى حاجه تنغص حياتك فى الاخره
اسال الله ان يرحمنا فى الدنيا و الاخره و ان يجعلنا من السعداء فى الدارين الدنيا و الاخره و ان يمتعنا بالنظر الى وجهه الكريم و ان يرزقنا صحبة النبى صلى الله عليه و سلم فى الجنه

» تعرف ايه عن المنطق" هتموت ضحك مع الزعيم وسعيد صالح لما اتسئلوا في مدرسة المشاغبين
» لماذا حرم الله نتف الحواجب | مدهش – و يتسبب في قصف عمرك
» امزج ليمونة حامضة مع ملعقة كبيرة من زيت الزيتون : وستجد أنك ستستعمل هذه الخلطة إلى ما تبقى من عمرك
» قصي حاتم - اليوم أنت
» حكمة اليوم