منٌتُدُى حًنٌيّنٌ ٱلشّوِقَ

منٌتُدُى حًنٌيّنٌ ٱلشّوِقَ منٌتُدُى رٱقَيّ وِمميّز .. وِيّشّمل ٱلمعرفُة وِٱلموِٱضيّع ٱلقَيّمة وِٱلمفُيّدُة ... وِيّرحًبّ بّٱلزوِٱر ٱلكرٱم لقَضٱء ٱمتُع ٱلٱوِقَٱتُ فُيّۂ .
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
أكتوبر 2017
الإثنينالثلاثاءالأربعاءالخميسالجمعةالسبتالأحد
      1
2345678
9101112131415
16171819202122
23242526272829
3031     
اليوميةاليومية

شاطر | 
 

 باستا فلورا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Noraan
Admin
Admin
avatar

عدد المساهمات : 1574
تاريخ التسجيل : 27/11/2015
الموقع :

مُساهمةموضوع: باستا فلورا   الجمعة يناير 20, 2017 8:15 am

بسم الله الرحمن الرحيم
السلام عليكم ورحمة الله وبركاته

حبيباتى فتوكاتى
يارب تكونوا بخير
عملت باستا فلورا و طلعت حلوة اوى قمت كررتها تااااااااانى علشان اصورها لكم بالتفصيل الممل و كنت حريصة والله انى مسبش اى خطوة من غير صورة علشان اللى بتعملها لاول مرة تتعلمها صح و تطلع مضبوطة تعبت والله فى الموضوع مش عاوزة غير دعوة حلوة لأولادى
يلا بينـــــــــا
بسم الله 




أولاً المقــــــــــادير 


زى ما فى الصورة كده يا قمرات
* 3 كوب دقيق
* 3 بيضات
* كوب (ثلثين سمن و ثلث زيت )
* كوب سكر
* فانيليا
* ملعقة بيكنج بودر
* بعض قطرات الليمون
* مقدار مناسب من المربى (أى نوع موجود عندك )



ثانيا الطريقة ::
هلموا بنا يا فتوكاااااااااااااااااااااات
V
V
V
1- وعاء عميق يصلح للخفق و ضعى فيه الثلاث بيضات كما بالصورة يا أمورة


2- ضعى ملعقة الفانيليا و طبعا عارفين ليه فانيليا علشان زفارة البيض متبنش طبعا ده غير ان الفانيليا بتعطى نكهة حلوة


3 - ضعى بعض قطرات الليمون بردو علشان الزفارة ( اظن مفيش تفصيل ممل اكتر من كده هههههه )


4- ضعى كوب السكريا فتوكة يا سكر



5- اضربى بقى بمضرب البيض ضربا مبرحا ولو مفيش مضرب بيض يبقى الخلاط نعمة و زى الفل و نتيجته حلوة اضربى لغاية ما تبقى شكل الكريمة


6- ضيفى بقى يا قمر كوب السمن و الزيت و استمرى فى الحفق



7 - استمرى بالخفق حتى تمام التجانس


8 - ابدأى بقى يا قمر ضيفى الدقيق اللى انتى اصلا حطيتى عليه ملعقة بكنج بودر ( اوعى تنسى ) و تنزلى بالدقيق تدريجى يا قمر


9 - هتلاقى نفسك مش محتاجة المضرب هتطيحى بالمضرب جانباً و تبدأى تستعملى اديكى الحلوة احسن من ستين مضرب حتى تتجانس معاكى العجينة و تبقى لا سايلة اوى و لا جامدة اوى تبقى زى عجينة البسبوسة تقريبا
كما بالصورة يا قمراية يا امورة
V
V
V
طولوا بالكم معايا مش بقولكم تفصيل ممل
العجينة هتبقى بالشكل ده يا قطة

10 - تقومى اوام واخدة حتة عجينة صغيرة وخليها على جنب (دى اللى هنزين بيها الباستا يا قمر )

11 - تجهزى صينية متوسطة او صغيرة يا حبيبتى و تدهنيها بعض من السمن وتبطنيها كويس من الجوانب زى كده

12 - حطى الخليط الجميل فى الصينية و بلى يدك بزيت خفيف اوى علشان تفردي العجينة وتساويها تمااااااااااام شكلها هيبقى كده



13- هاتى بقى يا قمر المربى الحلوة بتاعتك فراولةاو مشمش او اى صنف عندك كلوا ماااااااشى الحال
و ادهنى طبقة مناسبة على وش الباستا فلورا بس حاسبى اوعى المربى توصل للجوانب اوى احسن دى كلها طبعا سكر و فى الفرن ممكن تتحرق المربى من الجوانب اللى ملامسه الصينية وطبعا هتخلى الطعم مر ومش حلو ابدا شكلا وموضوعا
يبقى و انتى بتحطى المربى خدى بالك يا قطة

14- فاكرة يا قمر حتة العجنيةالصغنونة اللى خليها على جنب يلا هايتها بقى و تعالى اقولك هنزين بيها الباستا فلورا ازاى
هنعملها كور صغننه كده

15 - بعدما عملتى الكورات دى هتفرديها على شكل عصاية تبرميها يعنى بالشكل ده


16 - رصيها بقى يا قمرفى الصينية بالشكل ده

17- لو بقى عندك حتى عجينة صغنونة ممكن تبشريها على الوجه او تعملهيا دواير نونو زى دى و ترصيها كده شكلها حلو ولا ايه رأيكم


18- تكونى يا قمر مجهزة الفرن درجة حرارة متوسطة و على الرف الاوسط ولمده 30 دقيقه متفتحيش الفرن علشان مش تهبط منك
وشها احمر وعليت و بقت تمام تعالى شوفى شكلها و ادايه عليت ما شاء الله طبعا لان عليها مواد رافعة و هى البيض و البكنج بودر


19 - لما تبرد يا قمر قطعها و ع فنجان شاى قدميها لجوزك لولادك لضيوفك خفيفة و لذيذة وكل الاطفال والكبار بيحبوها انا قاعدة برفع لكم الصور بايد و فى الايد التانية حتة باستا بكلها روووووووعه


طولت عليكم معلش سامحونى
يارب تعجبكم و بالهنا و الشفا ء
 

منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://      http://lomiblack.3rab.pro.com
 
باستا فلورا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منٌتُدُى حًنٌيّنٌ ٱلشّوِقَ :: الاسرة والحياة :: مـا لـذ وَ طـاب-
انتقل الى: