منٌتُدُى حًنٌيّنٌ ٱلشّوِقَ
منٌتُدُى حًنٌيّنٌ ٱلشّوِقَ
منٌتُدُى حًنٌيّنٌ ٱلشّوِقَ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منٌتُدُى حًنٌيّنٌ ٱلشّوِقَ

منٌتُدُى حًنٌيّنٌ ٱلشّوِقَ ... منٌتُدُى رٱقَيّ وِمميّز .. وِيّشّمل ٱلمعرفُة وِٱلموِٱضيّع ٱلقَيّمة وِٱلمفُيّدُة ... وِيّرحًبّ بّٱلزوِٱر ٱلكرٱم لقَضٱء ٱمتُع ٱلٱوِقَٱتُ فُيّۂ .
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
يرحم وحدة كوكب امثله مزنه مساهمة المريخ خواطر حلوة الله كتابة ماذا
المواضيع الأخيرة
» اكتشفي سحر الأناقة مع خمار طويل واسع مصنوع من أجود الأقمشة الكورية
باستا فلورا Emptyأمس في 1:00 am من طرف عادل فهمي

»  افضل بهارات مشكلة
باستا فلورا Emptyالأربعاء مارس 27, 2024 6:29 pm من طرف zeyad gamal

»  مميزات المعلبات متجر جوافة
باستا فلورا Emptyالأربعاء مارس 27, 2024 6:21 pm من طرف zeyad gamal

»  فوائد مطحنة قهوة يدوية
باستا فلورا Emptyالثلاثاء مارس 26, 2024 7:03 pm من طرف zeyad gamal

»  اساسيات اكسسورات سيارات
باستا فلورا Emptyالإثنين مارس 25, 2024 6:01 pm من طرف zeyad gamal

» هرري باشنفر
باستا فلورا Emptyالإثنين مارس 25, 2024 5:23 pm من طرف zeyad gamal

»  اساسيات متجر جوافه للمنتجات العضويه
باستا فلورا Emptyالأحد مارس 24, 2024 7:30 pm من طرف zeyad gamal

» مميزات عبايات سوداء رسميه
باستا فلورا Emptyالأحد مارس 24, 2024 7:22 pm من طرف zeyad gamal

» اهميه فريمات الواح سيارات سعودية
باستا فلورا Emptyالأحد مارس 24, 2024 7:17 pm من طرف zeyad gamal

مارس 2024
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031
اليوميةاليومية

 

 باستا فلورا

اذهب الى الأسفل 
كاتب الموضوعرسالة
Noraan
Admin
Admin
Noraan


عدد المساهمات : 4501
تاريخ التسجيل : 27/11/2015
الموقع :

باستا فلورا Empty
مُساهمةموضوع: باستا فلورا   باستا فلورا Emptyالجمعة يناير 20, 2017 8:15 am

بسم الله الرحمن الرحيم
السلام عليكم ورحمة الله وبركاته

حبيباتى فتوكاتى
يارب تكونوا بخير
عملت باستا فلورا و طلعت حلوة اوى قمت كررتها تااااااااانى علشان اصورها لكم بالتفصيل الممل و كنت حريصة والله انى مسبش اى خطوة من غير صورة علشان اللى بتعملها لاول مرة تتعلمها صح و تطلع مضبوطة تعبت والله فى الموضوع مش عاوزة غير دعوة حلوة لأولادى
يلا بينـــــــــا
بسم الله 




أولاً المقــــــــــادير 


زى ما فى الصورة كده يا قمرات
* 3 كوب دقيق
* 3 بيضات
* كوب (ثلثين سمن و ثلث زيت )
* كوب سكر
* فانيليا
* ملعقة بيكنج بودر
* بعض قطرات الليمون
* مقدار مناسب من المربى (أى نوع موجود عندك )

باستا فلورا 13107587164869

ثانيا الطريقة ::
هلموا بنا يا فتوكاااااااااااااااااااااات
V
V
V
1- وعاء عميق يصلح للخفق و ضعى فيه الثلاث بيضات كما بالصورة يا أمورة

باستا فلورا 13107591082993
2- ضعى ملعقة الفانيليا و طبعا عارفين ليه فانيليا علشان زفارة البيض متبنش طبعا ده غير ان الفانيليا بتعطى نكهة حلوة
باستا فلورا 13107593399766

3 - ضعى بعض قطرات الليمون بردو علشان الزفارة ( اظن مفيش تفصيل ممل اكتر من كده هههههه )
باستا فلورا 13107595666875

4- ضعى كوب السكريا فتوكة يا سكر

باستا فلورا 13107598423150

5- اضربى بقى بمضرب البيض ضربا مبرحا ولو مفيش مضرب بيض يبقى الخلاط نعمة و زى الفل و نتيجته حلوة اضربى لغاية ما تبقى شكل الكريمة
باستا فلورا 13107601122001

6- ضيفى بقى يا قمر كوب السمن و الزيت و استمرى فى الحفق

باستا فلورا 13107603915465

7 - استمرى بالخفق حتى تمام التجانس

باستا فلورا 13107607986133
8 - ابدأى بقى يا قمر ضيفى الدقيق اللى انتى اصلا حطيتى عليه ملعقة بكنج بودر ( اوعى تنسى ) و تنزلى بالدقيق تدريجى يا قمر

باستا فلورا 13107611842426
9 - هتلاقى نفسك مش محتاجة المضرب هتطيحى بالمضرب جانباً و تبدأى تستعملى اديكى الحلوة احسن من ستين مضرب حتى تتجانس معاكى العجينة و تبقى لا سايلة اوى و لا جامدة اوى تبقى زى عجينة البسبوسة تقريبا
كما بالصورة يا قمراية يا امورة
V
V
V
طولوا بالكم معايا مش بقولكم تفصيل ممل
العجينة هتبقى بالشكل ده يا قطة
باستا فلورا 13107614474134
10 - تقومى اوام واخدة حتة عجينة صغيرة وخليها على جنب (دى اللى هنزين بيها الباستا يا قمر )
باستا فلورا 13107616184403
11 - تجهزى صينية متوسطة او صغيرة يا حبيبتى و تدهنيها بعض من السمن وتبطنيها كويس من الجوانب زى كده
باستا فلورا 13107621027152
12 - حطى الخليط الجميل فى الصينية و بلى يدك بزيت خفيف اوى علشان تفردي العجينة وتساويها تمااااااااااام شكلها هيبقى كده

باستا فلورا 13107623096665

13- هاتى بقى يا قمر المربى الحلوة بتاعتك فراولةاو مشمش او اى صنف عندك كلوا ماااااااشى الحال
و ادهنى طبقة مناسبة على وش الباستا فلورا بس حاسبى اوعى المربى توصل للجوانب اوى احسن دى كلها طبعا سكر و فى الفرن ممكن تتحرق المربى من الجوانب اللى ملامسه الصينية وطبعا هتخلى الطعم مر ومش حلو ابدا شكلا وموضوعا
يبقى و انتى بتحطى المربى خدى بالك يا قطة
باستا فلورا 13107627128103
14- فاكرة يا قمر حتة العجنيةالصغنونة اللى خليها على جنب يلا هايتها بقى و تعالى اقولك هنزين بيها الباستا فلورا ازاى
هنعملها كور صغننه كده
باستا فلورا 13107629093501
15 - بعدما عملتى الكورات دى هتفرديها على شكل عصاية تبرميها يعنى بالشكل ده
باستا فلورا 13107630656507

16 - رصيها بقى يا قمرفى الصينية بالشكل ده
باستا فلورا 13107631974981
17- لو بقى عندك حتى عجينة صغنونة ممكن تبشريها على الوجه او تعملهيا دواير نونو زى دى و ترصيها كده شكلها حلو ولا ايه رأيكم
باستا فلورا 13107634064019

18- تكونى يا قمر مجهزة الفرن درجة حرارة متوسطة و على الرف الاوسط ولمده 30 دقيقه متفتحيش الفرن علشان مش تهبط منك
وشها احمر وعليت و بقت تمام تعالى شوفى شكلها و ادايه عليت ما شاء الله طبعا لان عليها مواد رافعة و هى البيض و البكنج بودر

باستا فلورا 13107636715251
19 - لما تبرد يا قمر قطعها و ع فنجان شاى قدميها لجوزك لولادك لضيوفك خفيفة و لذيذة وكل الاطفال والكبار بيحبوها انا قاعدة برفع لكم الصور بايد و فى الايد التانية حتة باستا بكلها روووووووعه
باستا فلورا 13107640315052

طولت عليكم معلش سامحونى
يارب تعجبكم و بالهنا و الشفا ء
 

منقول
الرجوع الى أعلى الصفحة اذهب الى الأسفل
https://lomiblack.yoo7.com
 
باستا فلورا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منٌتُدُى حًنٌيّنٌ ٱلشّوِقَ  :: الاسرة والحياة :: مـا لـذ وَ طـاب-
انتقل الى: